«Strandja» týrnırinde 24 aqpanda el quramasynan qaı boksshylar shyǵady
ASTANA. KAZINFORM — Bolgarııa astanasy Sofııa qalasynda ótip jatqan «Strandja» halyqaralyq týrnıriniń ekinshi jarys kúni, 24 aqpanda el quramasynan kimderdiń sharshy alańǵa shyǵatyny belgili boldy.
23 aqpan-2 naýryz aralyǵynda ótetin týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrkimenstan, Qytaı Taıpeıi jáne ózge memleketter bar.
Kúndizgi sessııa (Qazaqstan ýaqytymen 17:00):
A rıngi
51 keli. Áıelder. Jazıra Oraqbaeva — Fatıha Mansýrı (Aljır)
51 keli. Áıelder. Anıta Adısheva — Keıtlın Fraıers (Irlandııa)
70 keli. Áıelder. Mádına Nurshaeva — Dılara Sak (Túrkııa)
B rıngi
54 keli. Áıelder. Jaına Shekerbekova — Tala Habbas (Bolgarııa)
54 keli. Áıelder. Ánel Saqysh — Enhjargal Mýngýntsetseg (Mońǵolııa)
54 keli. Áıelder. Elına Bazarova — Monık Sýrachı (Aýstrııa)
55 keli. Erler. Baǵlan Kenjebek — Abdýlazız Abdýnazarov (Ózbekstan)
55 keli. Erler. Tımýr Qabdeshov — Lorentso Patrıtsıo (AQSh)
Keshki sessııa (21:00):
A rıngi
65 keli. Erler. Ábdikárim Ábdiǵalym — Abdýlloh Madamınov (Ózbekstan)
65 keli. Erler. Ilıa Kalının — Zaýr Gahramanov (Ázerbaıjan)
65 keli. Erler. Ertýǵan Zeınýllınov — Djeıson Nevın (Irlandııa)
90 keli. Erler. Dáýlet Tólemisov — Semen Boldyrev (Bolgarııa)
B rıngi
85 keli. Eoler. Sultanbek Aıbaruly — Saba Kvınıkadze (Grýzııa)
85 keli. Erler. Bekzat Tańatar — Paolo Karýzo (Italııa)
90 keli. Erler. Nurmagamed ıÝsýpov — Roselın Bachevskı (Bolgarııa).
Aıta ketsek, Qazaqstan Bolgarııa astanasy 39 boksshyny attandyrdy. Bıyl «Strandja kýbogy» 77 márte ótkizip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady.
Qazirge deıin otandastarymyz týrnırden 23 altyn, 34 kúmis, 45 qola júlde enshiledi. Onda Qazaqstan quramasy alǵash ret 1994 jyly baq synady. Onda 75 kelide Valerıı Kýzmentsov kúmis júlde alǵan edi. 2005 jyly Serik Sápıev (60 keli) elimizdiń atynan alǵashqy chempıon retinde tirkeldi. Al áıelder arasynda Valentına Halzova 2 márte jeńimpaz tuǵyryna kóterilse, erler arasynda Ertýǵan Zeınýllınovtiń qatarynan ekinshi márte chempıon atanýǵa múmkindigi bar.
Aıta ketsek, alǵashqy jarys kúni, 23 aqpanda sharshy alańǵa shyqqan qazaqstandyq on boksshynyń beseýi jarysty jalǵastyrýǵa múmkindik aldy.