«Strandja» týrnıri: qazaqstandyq bes boksshy jarysty aıaqtady
ASTANA. KAZINFORM — Bolgarııa astanasy Sofııa qalasynda ótip jatqan «Strandja» halyqaralyq týrnıriniń alǵashqy jarys kúninde qazaqstandyq bes boksshy jarys jolyn aıaqtady.
El quramasynan kúndizgi sessııada Bekzat Aldamjarov (50 keli) ózbekstandyq Asylbek Jalılovke ese jiberdi.
Keshki sessııada taǵy tórt sportshymyz sátsiz oıyn kórsetti. Aldymen Rýslan Kúzeýbaev (60 keli) AQSh-tan kelgen Salım Ellıske 2:3 esebimen jeńilse, sol salmaqtaǵy Beıbarys Jeksen mońǵolııalyq Lýndaa Gantýmýrǵa 1:4 esebimen ese jiberdi.
Sondaı-aq 80 kelide Dıas Moljigitov AQSh-tan kelgen Robbı Gonzaleske 1:4, Sanjaráli Begalıev brazılııalyq Kaýe dos Santos Bılınıge 0:5 esebimen jol berdi.
Al kúndizgi sessııada synǵa túsken qazaqstandyq 6 boksshynyń beseýi jarysty jalǵastyrýǵa múmkindik aldy.
El quramasynan Baǵlan Kenjebek (55 keli), Tımýr Qabdeshov (55 keli), Farýh Toqtasynov (70 keli), Muhammedsabyr Bazarbaıuly (70 keli), Nýrmagamed ıÝsýpov (90 keli) jarysty jalǵastyrýǵa múmkindik aldy.
Dúbirli doda 23 aqpan-2 naýryz aralyǵynda ótkiziledi.
Qazirge deıin otandastarymyz týrnırden 23 altyn, 34 kúmis, 45 qola júlde enshiledi. Onda Qazaqstan quramasy alǵash ret 1994 jyly baq synady. Onda 75 kelide Valerıı Kýzmentsov kúmis júlde alǵan edi. 2005 jyly Serik Sápıev (60 keli) elimizdiń atynan alǵashqy chempıon retinde tirkeldi. Al áıelder arasynda Valentına Halzova 2 márte jeńimpaz tuǵyryna kóterilse, erler arasynda Ertýǵan Zeınýllınovtiń qatarynan ekinshi márte chempıon atanýǵa múmkindigi bar.