Strandja kýbogy: Damır Ábdiqadir kúmis medalǵa qol jetkizdi
NUR-SULTAN. QazAqparat - Bolgarııa astanasynda bokstan ótip jatqan «Strandja kýbogynda» erler arasynda qazaqstandyq Damır Ábdiqadir kúmis júldeger atandy, dep habarlaıdy QazAqparat tilshisi.
51 keli salmaqta synǵa túsken Damır Ábdiqadir fınalda 2016 jylǵy Rıo Olımpıadasynyń chempıony ózbestandyq Hasanboı Dýsmatovqa jol berdi.
Esterińizge sala keteıik, búgin atalǵan týrnırde áıelder arasyndaǵy aıqastarda Nazym Qyzaıbaı altyn medal jeńip aldy.
Sondaı-aq, Dına Jolaman kúmiske qol jetkizgenin jazǵan bolatynbyz.
Bul halyqaralyq jarysqa 36 elden 450 boksshy qatysyp jatyr. Olardyń qatarynda Olımpıada, álem jáne Eýropa chempıondary da bar.
Týrnır 28 aqpanda máresine jetedi.
