Strandja kýbogynda qazaqstandyq alty boksshy jarysty jalǵastyrady

ASTANA. KAZINFORM — Bolgarııa astanasy Sofııa qalasynda ótip jatqan bokstan Strandja kýbogynyń ekinshi jarys kúninde qazaqstandyq alty boksshy jarysty jalǵastyrýǵa múmkindik aldy.

Kúndizgi sessııada 51 kelide Jazıra Oraqbaeva, 70 kelide Mádına Nurshaeva, 54 kelide Ánel Saqysh, Elına Bazarova, Jaına Shekerbekova, 55 kelide Baǵlan Kenjebek jarysty jalǵastyrýǵa múmkindik aldy. 

Al 51 kelide Anıta Adısheva, 55 kelide Tımýr Qabdeshov jarys jolyn aıaqtady.

Endi keshki sessııada A rınginde 65 kelide Ábdikárim Ábdiǵalym, Ilıa Kalının, Ertýǵan Zeınýllınov, 90 kelide Dáýlet Tólemisov, B rınginde 85 kelide Sultanbek Aıbaruly, Bekzat Tańatar, 90 kelide Nurmagamed ıÝsýpov el namysyn qorǵaıdy.

Aıta ketsek, Qazaqstan Bolgarııa astanasy 39 boksshyny attandyrdy. Bıyl Strandja kýbogy 77 márte ótkizip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady. 

Qazirge deıin otandastarymyz týrnırden 23 altyn, 34 kúmis, 45 qola júlde enshiledi. Onda Qazaqstan quramasy alǵash ret 1994 jyly baq synady. Onda 75 kelide Valerıı Kýzmentsov kúmis júlde alǵan edi. 2005 jyly Serik Sápıev (60 keli) elimizdiń atynan alǵashqy chempıon retinde tirkeldi. Al áıelder arasynda Valentına Halzova 2 márte jeńimpaz tuǵyryna kóterilse, erler arasynda Ertýǵan Zeınýllınovtiń qatarynan ekinshi márte chempıon atanýǵa múmkindigi bar.