«Strandja» kýbogy: Fınalda qazaq boksshylary bir-birimen judyryqtasady

ASTANA. KAZINFORM — Búgin Bolgarııa astanasynda ótip jatqan bokstan halyqaralyq «Strandja kýbogy» fınalynda qazaq boksshylary altyn júldeni ózara sarapqa salady.

Naqtyraq aıtsaq, erler arasynda tórt salmaqta, áıelder arasynda bir salmaqta qazaqstandyq boksshylar fınalda ózara jolyǵady.

Erler arasynda 63,5 keli salmaqta Ertýǵan Zeınýllınov pen Muhammedsabyr Bazarbaıuly bir altynǵa talassa, 71 keli salmaq dárejesinde Abylaıhan Júsipov pen Farýh Toqtasynov ózara kim myqtyny anyqtamaq.

Al 75 keli salmaqta Sabyrjan Aqqalyqov pen Tımýr Nurseıtov bir-birimen chempıondyq ataqty sarapqa salady.

Sondaı-aq, 86 keli salmaqta Nurbek Oralbaı men Bekzad Nurdáýletov ózara myqtyny anyqtaıdy.

Áıelder arasynda qazaqstandyq boksshylar arasynda tek bir salmaqta qos qazaqstandyq boksshy altyn medaldi sarapqa salady.

Olar - asa aýyr (+81 keli) salmaqta synǵa túsip júrgen boksshylar Lázzat Kúngeıbaeva men Dına Islambekova «Strandja kýbogynyń» basty júldesi – altynǵa talasady.

Esterińizge sala keteıik, osyǵan deıin atalǵan týrnırdiń fınalynda jalpy 21 qazaqstandyq boksshy synǵa túsetini týraly jazǵan bolatynbyz.