Strandja kýbogi – 2025: Erler quramasynan ekinshi boksshy jarystan shyǵyp qaldy

ASTANA. KAZINFORM — Bolgarııa astanasy Sofııa qalasynda ótip jatqan dástúrli halyqaralyq Strandja týrnırinde erler quramasynan taǵy bir boksshy jarys jolyn aıaqtady.

Naqtyraq aıtsaq, atalǵan týrnırde erler arasynda 51 keldie el namysyn qorǵaǵan Bekzat Aldamjarov birinshi jekpe-jeginde qarsylasyna jol berip, kórermender qataryna qosyldy.

Otandasymyz 1/8 fınaldyq kezeńde frantsııalyq Nıkı Kammıngspen judyryqtasyp, tóreshilerdiń biraýyzdy sheshimimen qarsylasyna 1:4 esebimen jol berdi.

Tartysty jekpe-jektiń ekinshi raýndynda Bekzattyń qabaǵy jarylyp ketti. Ol eki ret dárigerler kómegine júgindi. Osylaısha jaraqaty onyń jeńilýine ákep soqtyrdy.
Osylaısha, Aldamjarov kishi álem chempıonaty atalyp ketken týrnırde jarys jolyn aıaqtady.

Osyǵan deıin, ıaǵnı keshe jarystyń birinshi kúni erler quramasynan taǵy bir qazaqstandyq boksshy Dáýlet Moldashev (57 keli) alǵashqy aıqasynda-aq jeńilip qalǵan edi. Ázirge erler quramasynan Bekzat Aldamjarov pen Dáýlet Moldashev qana jarysty erte aıaqtady.

Esterińizge sala keteıik, osyǵan deıin Aıbek Oralbaıdyń egizi Nurbek alǵashqy aıqasynda qarsylasyn nokaýtpen jeńgenin jazǵan bolatynbyz. Odan keıin Aıbek Oralbaı da qarsylasyn nokaýtqa túsirdi.

Sonymen qatar, Bekzat Nurdáýletov ta óz kezeginde ózbek boksshysyn birinshi raýndta nokaýtqa túsirdi. Sondaı-aq Aıbek Oralbaı da qarsylasyn nokaýtqa túsirdi.