Strandja kýbogi – 2025: Bekzat Nurdáýletov ózbek boksshysyn birinshi raýndta nokaýtqa túsirdi

ASTANA. KAZINFORM — Bolgarııa astanasy Sofııa qalasynda ótip jatqan dástúrli halyqaralyq Strandja týrnırinde qazaqstandyq boksshy Bekzat Nurdáýletov birinshi aıqasynda ózbek qarsylasyn birinshi raýndta nokaýtqa túsirdi.

86 keli salmaqta el namysyn qorǵap jatqan Bekzat jarystyń 1/8 fınalynda ózbekstandyq Akmaljon Isroılovpen jekpe-jek ótkizdi. Alaıda, tartysty bastalǵan aıqas alysqa uzaǵan joq. Otandasymyz qarsylasyn birinshi raýndta-aq nokaýtqa túsirdi.

Bul Bekzattyń atalǵan týrnırdegi alǵashqy aıqasy bolatyn. Osylaısha ol týrnırdiń 1/4 fınalyna ótti. Endi erteń Nurdáýletov frantsııalyq Abýlaıe Traoremen judyryqtasady. Frantsııalyq boksshy óz kezeginde 1/8 fınalda Kennedı Braınnan basym boldy.

Aıta keteıik, osyǵan deıin Parıj Olımpıadasynda erler quramasynan Qazaqstan qorjynyna jalǵyz kúmim medal syılaǵan Nurbek Oralbaı da qarsylasyn nokaýdpen utqanyn jazǵan bolatynbyz.