Strandja kýbogi – 2025: Aıbek Oralbaı da qarsylasyn nokaýtqa túsirdi
ASTANA. KAZINFORM — Bolgarııa astanasy Sofııa qalasynda ótip jatqan dástúrli halyqaralyq Strandja týrnırinde qazaqstandyq boksshy Aıbek Oralbaı da qarsylasyn aıqyn basymdyqpen utty.
Parıj Olımpıadasynan keıin 92 keli salmaqqa aýysqan Aıbek atalǵan týrnırde pákistandyq boksshy Abdýl Vahab Tahırǵa qarsy jekpe-jekke shyqqan bolatyn.
Nátıjesinde rıngtegi tóreshi aıqasty birinshi raýnd aıaqtalmaı-aq toqtatty. Osylaısha Nurbek Oralbaıdyń egizi de qarsylasyn merziminen buryn tehnıkalyq nokaýtpen utyp, kelesi aınalymǵa qınalmaı ótti.
Endi Aıbek 1/4 fınalda frantsııalyq Godstım Idemýdııamen kezdesedi, ol óz kezeginde 1/8 fınalda Ózbekstan atynan synǵa túsip jatqan qazaq boksshy Arman Mahanovty jeńdi.
Esterińizge sala keteıik, osyǵan deıin Aıbek Oralbaıdyń egizi Nurbek alǵashqy aıqasynda qarsylasyn nokaýtpen jeńgenin jazǵan bolatynbyz.
Sonymen qatar, Bekzat Nurdáýletov ta óz kezeginde ózbek boksshysyn birinshi raýndta nokaýtqa túsirdi.