«Strandja» halyqaralyq týrnırine baratyn qazaqstandyq boksshylar anyqtaldy
ASTANA. KAZINFORM — Bolgarııa astanasy Sofııa qalasynda 23 aqpan-2 naýryz aralyǵynda ótetin bokstan «Strandja» halyqaralyq týrnırine qatysatyn Qazaqstan erler jáne áıelder quramasy belgili boldy.
Bul jarysta elimizdiń atynan ulttyq qurama sapynda 39 sportshy baq synaıdy. Olardyń qatarynda negizinen tájirıbeli bylǵary qolǵap sheberleri jáne jastar bar. Ulttyq quramanyń negizgi boksshylary bul týrnırden tys qalyp otyr.
Erler
50 keli: Danıal Sábıt, Bekzat Aldamjarov
55 keli: Tımýr Qabdeshov, Baǵlan Kenjebek
60 keli: Beıbarys Jeksen, Rýslan Kúzeýbaev
65 keli: Ertýǵan Zeınýllınov, Ábdikárim Ábdiǵalym, Ilıa Kalının
70 keli: Farýh Toqtasynov, Muhammedsabyr Bazarbaıuly
80 keli: Sanjar-Alı Begalıev, Dıas Moljigitov
85 keli: Sultanbek Aıbaruly, Bekzat Tańatar, Dáýlet Tólemisov
90 keli: Nýrmagamed ıÝsýpov
90 keliden joǵary: Nurlan Saparbaı, Danıal Saparbaı
Áıelder
48 keli: Aıgerim Sáttibaeva, Anel Qudaıbergen
51 keli: Jazıra Oraqbaeva, Anıta Adısheva
54 keli: Elına Bazarova, Jaına Shekerbekova, Anel Saqysh
57 keli: Uljan Sársenbek, Aıdana Zabynbekova
60 keli: Vıktorııa Grafeeva, Rımma Volosenko
65 keli: Laýra Esenkeldi, Arýjan Jańabaeva
70 keli: Baqyt Seıdish, Madına Nurshaeva
75 keli: Valentına Halzova, Marııa Sıdorenko
80 keli: Nadejda Rıabets
80 keliden joǵary: Dına Islambekova, Valerııa Aksenova.
Qazirge deıin otandastarymyz týrnırden 23 altyn, 34 kúmis, 45 qola júlde enshiledi. Onda Qazaqstan quramasy alǵash ret 1994 jyly baq synady. Onda 75 kelide Valerıı Kýzmentsov kúmis júlde alǵan edi. 2005 jyly Serik Sápıev (60 keli) elimizdiń atynan alǵashqy chempıon retinde tirkeldi. Al áıelder arasynda Valentına Halzova 2 márte jeńimpaz tuǵyryna kóterilse, erler arasynda Ertýǵan Zeınýllınovtiń qatarynan ekinshi márte chempıon atanýǵa múmkindigi bar.
Ótken jyly Qazaqstan quramasy óz tarıhyndaǵy eń úzdik kórsetkishin tirkedi. Olar 6 altyn medalmen jalpy esepte birinshi oryn aldy.
Aıta ketsek, budan buryn bokstan Qazaqstan erler quramasynyń bas bapkeri Nurjan Nasanov qazaqstandyq bylǵary qolǵap sheberleriniń aldaǵy jospary jóninde aıtyp berdi.
