Strandja-2025: Nurbek Oralbaıdyń qarsylasy jekpe-jekten bas tartty

ASTANA. KAZINFORM — Búgin Bolgarııa astanasynda ótip jatqan bokstan halyqaralyq «Strandja kýbogynda» Nurbek Oralbaı fınalǵa jepe-jek ótkizbeı-aq shyqty. Onyń qarsylasy aıqastan bas tartty.

86 kelige deıingi salmaqtaǵy jartylaı fınalda otandasymyz jergilikti boksshy Semen Boldyrevpen judyryqtasýy kerek bolǵan. Alaıda qarsylasy jekpe-jekke shyqpaı qaldy.

Sonymen qatar 80 kelige deıingi salmaqtyń jartylaı fınalynda otandasymyz Erasyl Jaqpekov ta aqtyq kezeńge ótti. Ol jartylaı fınalda ulybrıtanııalyq boksshy Dımejı Shıtýdan aılasyn asyrdy.

Osylaısha taǵy eki boksshymyz «Strandja kýbogynyń» fınalyna shyqty. 

Aıta ketsek, osyǵan deıin Aıbek Oralbaı, Danııal Sábıt, Ertýǵan Zeınýllınov jáne Muhammedsabyr Bazarbaıuly fınalǵa shyqqanyn jazǵan edik.

Jalpy búgin Bolgarııa tórinde 18 qazaqstandyq boksshy sharshy alańǵa shyǵyp, fınaldyq básekeni sarapqa salady.