Strandja-2025: Qazaqstannan 18 boksshy jartylaı fınalda judyryqtasady
ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýboginda» Qazaqstan erler quramasynan jartylaı fınalǵa 18 boksshy shyqty.
Búgin atalǵan týrnırdiń besinshi jarys kúni. Alǵashqy tórt kúnniń qorytyndysy boıynsha Qazaqstan erler quramasynan 18 boksshy jartylaı fınalǵa shyqty. Al 7 boksshy jarys jolyn aıaqtady.
Jarys jolyn aıaqtaǵandar qatarynda Mahmud Sabyrhan bar, ol taǵamdyq ınfektsııa saldarynan sharshy alańǵa jiberilgen joq. Al keshe Sanjar Táshkenbaı jekpe-jek barysynda qolynan jaraqat alyp, jarysty toqtatty. Al oǵan deıin Samatáli Tóltaev, Bekzat Aldamjarov, Nurlan Saparbaı, Azamat Bektas jáne Dáýlet Moldashevtar tóreshiler sheshimen qarsylastyryna ese jiberdi.
Qalǵan boksshylar ázirge jeńilissiz judyryqtasyp keledi.
Taǵy bir aıta keterligi, qazaq boksshylarynan bir salmaq dárejesinde jartylaı fınalǵa shyqqan eki birdeı boksshylarymyz bar. Demek, osy kezeńde jeńiske jetken jaǵdaıda, fınalda qazaq boksshylary ózara sharshy alańda kezdesýi múmkin.
Jartylaı fınaldyq jekpe jekter:
48 keli. Temirtas Júsipov vs Ergýnal Sabrı (Bolgarııa)
51 keli. Danııal Sábıt vs Nıjat Hýseınov (Ázerbaıjan)
54 keli. Tımýr Qabdeshov vs Krıstofer Hıppokrat (Frantsııa)
57 keli. Orazbek Asylqulov vs Hýdjanazar Nortojıev (Ózbekstan)
60 keli. Talǵat Syrymbetov vs Radoslav Rosenov (Bolgarııa)
60 keli. Serik Temirjanov vs Adam Heshn (Irlandııa)
63.5 keli. Ertýǵan Zeınýllınov vs Vıktorıo Ilıev (Bolgarııa)
63.5 keli. Muhammedsabyr Bazarbaıuly vs Klensı Dın (Irlandııa)
67 keli. Tórehan Sabyrhan vs Nabı Isgandarov (Ázerbaıjan)
71 keli. Abylaıhan Júsipov vs Rontanı Gýıdı (Italııa)
71 keli. Farýh Toqtasynov vs Lorıs Idrızlı (Kosovo)
75 keli. Sabyrjan Aqqalyqov vs Ramı Kıýan (Bolgarııa)
75 keli. Tımýr Nurseıitov vs Djavohır Ýmmatalıev (Ózbekstan)
80 keli. Erasyl Jaqpekov vs Dımejı Shıtý (Ulybrıtanııa)
86 keli. Nurbek Oralbaı vs Semen Boldyrev (Bolgarııa)
86 keli. Bekzat Nurdáýletov vs ıAn Zak (Izraıl)
92 keli. Danııar Rahymberdıev vs Vagkan Nanıtzanıan (Grekııa)
+92 keli. Aıbek Oralbaı vs Damar Tomas (Ulybrıtanııa)
Strandja týrnırindegi erler arasyndaǵy jartylaı fınal 1 naýryzǵa josparlanǵan. Al áıelder arasynda aqtyq synǵa ótken sportshylardyń esimi búgin, ıaǵnı 28 aqpan kúni belgili bolady. Bul synda Qazaqstannyń 14 burymdy boksshysy bar.
Aıta keteıik, osyǵan deıin taǵy úsh boksshymyz jartylaı fınalǵa shyqqanyn jazǵan bolatynbyz.