Strandja-2025: Qazaqstandyq eki boksshy qyz fınalǵa shyqty
ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýboginde» qazaqstandyq eki burymdy boksshy atalǵan týrnırdiń fınalyna shyqty.
Naqtyraq aıtsaq, 48 keli salmaqta el namysyn qorǵap júrgen otandasymyz Áıgerim Sáttibaeva jartylaı fınalda Irlandııa boksshysy Sıara Ýolshpen judyryqtasty. Nátıjesinde Sáttibaeva tóreshiler sheshimimen qarsylasyn utyp, fınalǵa joldama aldy.
Sonymen qatar 54 keli salmaqta el namysyn qorǵaǵan qazaqstandyq boksshy Anel Saqysh Frantsııa boksshysy Melıssa Býnýadan aılasyn asyryp, qazaq qyzdarynan ekinshi bolyp fınalǵa joldama aldy.
Aıta keteıik, búgin kishi álem chempıonaty atalyp ketken týrnırdiń eki sessııasynda Qazaqstan atynan jalpy 13 burymdy rıngke shyǵady. Alda taǵy 11 boksshy qyzymyzdy tartysty jekpe-jekter kútip tur
Osyǵan deıin erler arasynda Qazaqstan quramasynan 18 boksshy jartylaı fınalǵa shyqqanyn jazǵan bolatynbyz.
Erler arasyndaǵy jartylaı fınaldyq básekeler 1 naýryz kúnine josparlanǵan