Strandja-2025: Qazaqstan quramasynyń 4 boksshysy fınalǵa shyqty

ASTANA. KAZINFORM — Búgin Bolgarııa astanasynda ótip jatqan bokstan halyqaralyq «Strandja kýbogynda» erler arasynda jartylaı fınaldyq báseke ótip jatyr. 

Jekpe-jekter bastalmaı turyp, asa aýyr salmaqta el namysyn qorǵaıtyn Aıbek Oralbaı aıqassyz atalǵan týrnırdiń fınalyna joldama aldy. Otandasymyzdyń qarsylasy jartylaı fınalda sharshy alańǵa shyǵýdan bas tartqan. Osylaısha Aıbek fınalǵa esh qınalmaı shyqty. 

Sonymen qatar 51 keli salmaqta synǵa túsken taǵy bir qazaqstandyq boksshy Danııal Sábıt te fınalǵa ótti. Ol búgin Ázerbaıjan boksshysy Nıjat Hýseınovpen judyryqtasqan bolatyn. Nátıjesinde jekpe-jek ekinshi raýndta Danııaldyń jeńisimen aıaqtaldy.

63.5 keli salmaqta Ertýǵan Zeınýllınov ta aqtyq synǵa ótti. Otandasymyz jartylaı fınalda rıng qojaıynyn 5:0 esebimen jeńdi.

Osy salmaqta taǵy bir qazaqstandyq boksshy Muhammedsabyr Bazarbaıuly da fınalǵa shyqty. Ol búgin ırlandııalyq boksshydan 4:1 esebimen basym tústi. 

Endi atalǵan týrnırdiń fınalynda 63,5 keli salmaq dárejesinde qos Qazaqstan sportshy ózara altyn júldeni sarapqa salady.

Esterińizge sala keteıik, buǵan deıin jartylaı fınalda 18 qazaqstandyq boksshy aqtyq aıqasta júldege talasatyny týraly jazǵan bolatynbyz.