Strandja-2025: Qazaqstan áıelder quramasy úzdik úshtikke ilinbeı qaldy

ASTANA. KAZINFORM - Bolgarııa astanasynda bir aptaǵa sozylǵan bokstan halyqaralyq «Strandja kýbogy» óz máresine jetti. Atalǵan týrnırde bokstan áıelder qramasy 1 altyn, 6 kúmis, 8 qola (15) medalmen jalpy esepte 4-shi orynmen aıaqtady.

Áıelder quramasynan fınalǵa 7 boksshy shyqqan bolatyn. Asa aýyr salmaqta qos qazaqstandyq boksshy Dına Islambekova men Lázzat Kúngeıbaeva altyn júldeni ózara sarapqa saldy. Tek osy salmaqta ǵana Kúngeıbaeva chempıondyq ataqqa qol jetkizdi.

Al ózge elderdiń boksshylarymen bas júldeni sarapqa salǵan barlyq boksshylarymyz qarsylastaryna jol berip, kúmis júldeni qanaǵat tutty.

Osylaısha, kishi álem chempıonaty atalyp ketken «Strandja kýbogyn» Qazaqstan áıelder quramasy 1 altyn 6 kúmis 8 qola medalmen jalpy esepte 4-orynmen aıaqtady.

Komandalyq esepte 1-shi orynǵa Qytaı quramasy (3 altyn) ıe boldy. Ekinshi orynnan Bolgarııa qyzdar quramasy (2 altyn, 1 kúmis) kórindi. Úzdik úshinshi oryndy qytaılyq Taıpeı qyzdary (2 altyn) túıindedi.

Qazaqstan qorjynyna túsken jalǵyz altyn júldeni +81 kelide Lázzat Kúngeıbaeva jeńip aldy.

Altyn medal alǵandar:

Lázzat Kúngeıbaeva

Kúmis medal alǵandar:

48 keli. Áıgerim Sáttibaeva

54 keli. Ánel Saqysh

57 keli. Aıdana Zabynbekova

60 keli. Rımma Volosenko

81 keli. Jibek Jarasqyzy

+ 81 keli. Dına Islambekova

Qola medal alǵandar:

50 keli. Elıanýr Týrganova

52 keli. Jansaıa Rahymberdi

52 keli. Jazıra Oraqbaeva

54 keli. Symbat Álıasqar

63 keli. Laýra Esenkeldi

66 keli. Gaýhar Shaıbekova

70 keli. Azıza Isına

75 keli. Shuǵyla Nálibaı.

Esterińizge sala keteıik, osyǵan deıin atalǵan týrnırde Qazaqstan erler quramasy jalpy esepte kósh bastaǵanyn jazǵan bolatynbyz.