Strandja-2025: Qazaq qyzdarynyń fınaldaǵy qarsylastary belgili boldy

ASTANA. KAZINFORM — Bolgarııa astanasynda ótip jatqan bokstan halyqaralyq «Strandja kýboginde» fınalǵa shyqqan qazaqstandyq boksshylardyń qarsylastary belgili boldy.

Olar:

48 keli. Áıgerim Sáttibaeva vs Mevda Asenova (Bolgarııa)

54 keli. Ánel Saqysh vs ıArem djam Nılaı (Túrkııa)

57 keli. Aıdana Zabynbekova vs Shı-ı Vý (Qytaı)

60 keli. Rımma Volosenko vs Donjeta Sadıký (Kosovo)

81 keli. Jibek Jarasqyzy vs Rıdý Bý (Qytaı)

+81 keli. Lázzat Kúngeıbaeva vs Dına Islambekova

Áıelder arasynda asa aýyr salmaqta qos qazaqstandyq boksshy bir-birimen altyn medaldi sarapqa salmaq. Olar Lázzat Kúngeıbaeva men Dına Islambekova. Kúngeıbaeva jartylaı fınalda túrkııalyq boksshy Seıma Dýztashty utsa, Islambekova fınalǵa jekpe-jeksiz birden shyqty.

Esterińizge sala ketsek, osyǵan deıin Qazaqstan áıelder quramasynan 8 burymdy boksshy qola medalǵa qol jetkizgenin jazǵan bolatynbyz.

Al erler 1 naýryz kúni jartylaı fınalda baq synap, aqtyq báseke úshin synǵa túsedi.

Erler quramasynan jartylaı fınalǵa 18 boksshy shyqqan bolatyn.