Strandja-2025: Erasyl Jaqpekov jartylaı fınalǵa joldama aldy
ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýboginiń» tórtinshi jarys kúninde taǵy bir qazaqstandyq boksshy Erasyl Jaqpekov jartylaı fınalǵa shyqty.
80 kelige deıingi salmaqta judyryqtasatyn otandasymyz shırek fınalda Irlandııa boksshysy Djeıms Ýelandy jarys jolynan shyǵardy. Teketireske toly ótken jekpe-jekte Erasyl qarsylasyn 4:1 esebimen qapy qaldyrdy.
Erasyl Jaqpekov Qazaqstan erler quramasynan jartylaı fınalǵa shyqqan 9-boksshy.
Osyǵan deıin Bekzat Nurdáýletov, aǵaıyndy Nurbek Oralbaı men Aıbek Oralbaılar, Temirtas Júsipov, Danıal Sábıt, Muhammedsabyr Bazarbaıuly, Ertýǵan Zeınýllınov jáne Tımýr Nurseıitov jartylaı fınalǵa shyǵyp úlgerdi.
Demek, qorjynymyzda ázirge kem degende 9 júlde tur dep senimmen aıtýǵa bolady. Jekpe-jek jalǵasyp jatyr.