Strandja-2025: Búgin sharshy alańǵa 15 boksshy shyǵady

ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýbogynyń» tórtinshi jarys kúninde Qazaqstan quramasynan sharshy alańǵa 15 boksshy shyǵyp, shırek fınal jáne jartylaı fınal joldamalaryn sarapqa salady.

Naqtyraq aıtsaq, 48 keli salmaqta eki birdeı boksshymyz synǵa túsedi. Olar – Sanjar Táshkenbaı men Temirtas Júsipov.

Sanjar Irlandııa boksshysy Rýnı Lýıspen judyryqtassa, Temirtas Ázerbaıjan ókili Sýbhan Mamedovpen synǵa túsedi.

51 keli salmaqta Danııal Sábıt grýzııalyq Davıt Japarıdzemen qolǵap túıistirse, 54 keli salmaqta Tımýr Qabdeshov qytaılyq Sın Mın Mamen kim myqtyny anyqtaıdy. 

57 keli salmaqta Orazbek Asylqulov Ýels boksshysy Oýeın Harrıs Allenge qarsy sharshy alańǵa shyǵady. 

60 keli salmaqta eki birdeı boksshymyz synǵa túsedi. Talǵat Syrymbetov Bolgarııa boksshysy Tınko Banabakovpen, al Serik Temirjanov ırlandııalyq boksshy Rıs Oýenspen qolǵap túıistiredi.

63,5 keli salmaqta da qos boksshymyz baq synaıdy. Atap aıtsaq, Ertýǵan Zeınýllınov pen Muhamedsabyr Bazarbaıuly Irlandııa boksshylaryna qarsy jekpe-jekke shyǵady. Birinshisiniń qarsylasy Rýslan Rýstamov esimdi boksshy bolsa, ekinshisi — Djeıson Nevın.

67 keli salmaqta Tórehan Sabyrhan Grýzııa boksshysy Lasha Gagnıdzemen qolǵap túıistirse, 71 keli salmaqta Abylaıhan Júsipov Oleksıı Shyrıaevqa (beıtarap) qarsy synǵa túsedi.

75 kelide Sabyrjan Aqqalyqov Italııa boksshysy Remo Salvatımen Tımýr Nurseıitov Ázerbaıjan ókili Rasım Chobanlımen sheberlik baıqasady.

80 keli salmaqta Azamat Bektas Aýstrııa boksshysy Lakı Aımýfýaǵa, al Erasyl Jakpekov Irlandııa boksshysy Djeıms Ýılanmen kim myqtyny anyqtaıdy. 

Jarys eki sessııadan turady. Kúndizgi sessııa Astana ýaqytymen 17:00-de bastalsa, keshki sessııa 20:30-ǵa josparlanǵan.

Esterińizge sala keteıik, úsh boksshymyz Bekzat Nurdáýletov jáne aǵaıyndy Nurbek Oralbaı men Aıbek Oralbaılar atalǵan týrnırdiń jartylaı fınalyna shyqqany týraly jazǵan bolatynbyz.