Strandja – 2025: Búgin sharshy alańda kimder judyryqtasady

ASTANA. KAZINFORM – Bolgarııa astanasy Sofııa qalasynda ótip jatqan dástúrli halyqaralyq Strandja týrnıriniń úshinshi jarys kúni sharshy alańǵa shyǵatyn qazaqstandyq boksshylar belgili boldy.

Naqtyraq aıtsaq, búgin Qazaqstan sapynan 16 boksshy sharshy alańǵa shyǵady. Onyń ishinde 11-i áıel bolsa, 5-eýi er boksshy.

Búgin áıelder quramasynan 48 keli salmaqta qazaqstandyq Aqbota Bolat túrkııalyq Rabııa Topýz judyryqtassa, 50 keli salmaqta Elıanýr Týrganova taǵy bir Túrkııa boksshysy Erıvan Barýtpen qolǵap túıistiredi. Al osy salmaqta Gúlnar Turapbaı Bolgarııa sportshysy Zlatıslava Shýkanovamen kim myqtyny anyqtaıdy.

52 keli salmaqta Jansaıa Rahymberdi túrkııalyq Eda Nýr Kılıchchımen, 54 kelide Ánel Saqysh anglııalyq Laýren Mekkımen jekpe-jekke shyǵady.

57 keli salmaqta eki birdeı boksshymyz sharshy alańǵa shyǵady. Atap aıtsaq, Uljan Sársenbek túrkııalyq Pınar Benekpen, al Aıdana Zabynbekova Anglııa boksshysy Samına Toýsaıntpen qolǵap túıistiredi.

Al 60 keli salmaqta da qos burymdy arýymyz synǵa túsedi. Bul salmaqta Anar Tursynbek Kosta-Rıka boksshysy Donjeta Sodıkýmen, Rımma Volosenko grekııalyq Sofııa Legakımen sheberlik baıqasady.

63 kelide Laýra Esenkeldi Grekııa boksshysy Olga-Pavlına Papadatýmen, 66 kelide Uldana Taýbaı taǵy bir túrkııalyq Berfın Kabakpen ózara myqtyny anyqtamaq.

Al erler arasynda 71 keli salmaqta qazaqstandyq Farýh Toqtasyn Anglııa boksshysy Patrık Hıýıtpen qolǵap túıistirse, 86 kelide Nurbek Oralbaı – Tıgn Skottpen (Anglııa), Bekzat Nurdáýletov – Abýlae Traoremen (Frantsııa) synǵa túsedi.

Al asa aýyr salmaqta (+92 kg) Nurlan Saparbaı qytaılyq Jen Veı Ýangpen judyryqtassa, Aıbek Oralbaı Irlandııa boksshysy Godstım Idemýdıaǵa qarsy judyryqtasady.

Kúndizgi sessııa 17:00-de, keshki sessııa 20:30-da bastalady.

Esterińizge sala ketsek, keshe jarystyń ekinshi kúni aǵaıyndy Aıbek pen Nurbek Oralbaılar, Bekzat Nurdáýletov, Muhamedsabyr Bazarbaıuly alǵashqy jekpe-jekterin ótkizip, bári de jeńiske jetken bolatyn.