Strandja-2025: Astanalyq boksshylar 5 medal jeńip aldy
ASTANA. KAZINFORM — Bolgarııanyń Sofııa qalasynda bokstan erler men áıelder arasynda 76-shy halyqaralyq «Strandja kýbogy» týrnıri óz máresine jetti. Bul týraly Astana qalasynyń ákimdigi málim etti.
— Bıylǵy básekege 22 elden 143 er jáne 79 áıel bylǵary qolǵap sheberi qatysyp, úzdikterdi anyqtady, — dep jazdy elorda ákimdigi.
Aýqymy keń bolǵandyqtan «kishi álem chempıonaty» atanyp ketken jarysta Astana qalasynyń sportshylary joǵary nátıjege qol jetkizdi.
Jerlesterimiz bir altyn jáne tórt kúmis medal jeńip aldy. Altyn medal: Lázzat Kúngeıbaeva (81+ kg). Kúmis medal: Tımýr Nurseıitov (75 kg), Nurbek Oralbaı (86 kg), Aıbek Oralbaı (+92 kg), Rımma Volosenko (60 kg).
Eske sala keteıik, buǵan deıin Tórehan Sabyrhan – «Strandja» týrnıriniń eń úzdik boksshysy atanǵanyn jazǵan bolatynbyz.