Strandja-2025: 4 burymdy boksshymyz kúmispen kúpteldi

ASTANA. KAZINFORM — Búgin Bolgarııa astanasynda ótip jatqan bokstan halyqaralyq «Strandja kýbogynyń» fınalynda áıelder arasynda birinshi bolyp Qazaqstan quramasynan bes balanyń anasy Áıgerim Sáttibaeva sharshy alańǵa kóterildi.

48 keli salmaqta el anmysyn qorǵaǵan otandasymyz fınaldyq jekpe-jekte jergilikti boksshy Sevda Asenovaǵa jol berip, kúmis júldeni qanaǵat tutty.

54 keli salmaqta synǵa túsken taǵy bir burymdy boksshymyz Ánel Saqysh ta fınalda qarsylasyna ese jiberdi. Ol aqtyq synda túrkııalyq Sam Nılaı ıArennen jeńildi. Osylaısha túrik qyzy tóreshiler sheshimimen jeńiske jetip, atalǵan týrnırdiń chempıony boldy. 

Al, 57 kelide Qazaqstan quramasynyń múshesi Aıdana Zabynbekova fınalda qytaılyq ıÝ Shınıýmen qolǵap túıistirdi. Asa tartysty ótken jekpe-jekte tóreshiler qytaılyq sportshyny jeńimpaz dep tapty. 

60 kelide taǵy bir otandasymyz Rımma Volosenko men kosovalyq Sadıký Donjeta altyn júldeni sarapqa saldy. Ókinishke qaraı tóreshiler sheshimimen taǵy da Kosovo ókili jeńiske jetti.

Endi, qyzdar arasynda alda taǵy eki jup altyn júldeni sarapqa salady.

Esterińizge sala keteıik, osyǵan deıin Qazaqstan quramasynyń fınaldaǵy qarsylastary belgili bolǵanyn jazǵan bolatynbyz.