«Strandja-2023» týrnıri: Boksshy Ertýǵan Zeınýllınov jarystyń kelesi satysyna shyqty

ASTANA. QazAqparat - Bolgarııa astanasy Sofııa qalasynda ótip jatqan bokstan halyqaralyq «Strandja-2023» týrnırinde qazaqstandyq Ertýǵan Zeınýllınov alǵashqy jekpe-jegin ótkizdi, dep habarlaıdy QazAqparat tilshisi.

Halyqaralyq týrnırde 63,5 kelide synǵa túsken ol 1/16 fınalda ıspanııalyq Konde Oıer Ibarrechemen sheberlik baıqasty.

Kezdesý barysynda qazaqstandyq boksshy jınaqy qımyl kórsetti. Nátıjesinde qarsylasynan basym túsip, jarystyń 1/8 fınalyna joldama aldy.

Endi ol 22 aqpanda ózbekstandyq Mýjıbýllo Týrsýnovpen qolǵap túıistiredi.

Aıta ketsek, buǵan deıin alǵashqy jekpe-jeginde jeńiske jetken Erasyl Tańqaı (60 keli), Orazbek Asylqulov (57 keli) jarystyń kelesi satysyna shyqty.

Eske salsaq, atalǵan jarysta qazaqstandyq 13 bylǵary qolǵap sheberi el namysyn qorǵaıdy.

Foto: Salı Sabırov, UOK baspasóz qyzmeti