Strandj kýbogy: Qazaqstandyq boksshy qyz jekpe-jekti jartylaı fınaldan bastaıdy

NUR-SULTAN. QazAqparat - Bolgarııa astanasy Sofııa qalasynda bokstan ótip jatqan dástúrli «Strandj kýbogynda» qazaqstandyq burymdy boksshy jarysty birden júldeli orynnan bastaıdy, dep habarlaıdy QazAqparat tilshisi.

Asa aýyr salmaqtaǵy qazaqstandyq boksshy Lázzát Kúngeıbaeva sharshy alańǵa shyqpaı-aq júldeli orynǵa shyǵa keldi.

Naqtyraq aıtsaq, otandasymyz jerebe tartý qorytyndysyna sáıkes, jarysty jartylaı fınaldan bastaıtyny belgili boldy.

Osylaısha, ol jekpe-jeksiz qola medalǵa qol jetkizip tur.

Sondaı-aq, atalǵan týrnırde toǵyz burymdy boksshymyz shırek fınalǵa shyqty. Búgin olardyń shırek fınaldaǵy qarsylastary anyqtaldy.

Shırek fınaldaǵy qazaqstandyq boksshylardyń qarsylastary:

Alýa Balqybekova (48 keli) - Anna Ohota (Ýkraına)

Nazym Qyzaıbaı (50 keli) - Laýra Fýertes Fernandes (Ispanııa)

Balaýsa Muzdyman (54 keli) - Stanımıra Petrova (Bolgarııa)

Dına Jolaman (54 keli) - Sheron Prısko (Italııa)

Karına Ibragımova (57 keli) - Vılma Vıtanen (Fınlıandııa)

Valentına Halzova (70 keli) - Darıma Sandakova (Reseı)

Nadejda Rıabets (75 keli) - Elena Gapeshına (Reseı)

Anastasııa Baıazıtova (81 keli) - Sohıba Rýzmetova (Ózbekstan)

Valerııa Aksenova (81 keliden joǵary) - Nandını (Úndistan)

Atalǵan týrnır 19 aqpanda bastalǵan bolatyn. Jeńimpazdar men júldegerler 28 aqpanda belgili bolady.

Esterińizge sala keteıik, osyǵan deıinatalǵan týrnırde erler quramasynan shırek fınalǵa 10 boksshy shyqqanyn habarlaǵan bolatynbyz.