Strandj kýbogy: Qazaqstandyq 8 boksshy fınalǵa shyqty

NUR-SULTAN. QazAqparat - Kishi álem chempıonaty atanyp ketken Bolgarııa astanasynda ótip jatqan Strandj kýbogy týrnırinde erler arasyndaǵy fınalǵa shyqqan boksshylar belgili boldy, dep habarlaıdy QazAqparat tilshisi.

Atalǵan týrnırde Qazaqstan quramasynan tórt boksshy fınalǵa shyqty.

Esterińizge sala keteıik, osyǵan deıin atalǵan týrnırde áıelder arasynan da fınalǵa tórt boksshy shyqqanyn jazǵan bolatynbyz.

Osylaısha Bolgarııa tórinde jalpy 8 qazaqstandyq boksshy altyn medal úshin rıngke shyǵady.

Atap aıtsaq, Qazaqstan sapynan Damır Ábdiqadir (51 keli), Mahmud Sabyrhan (54 keli), Dýlat Bekbaýov (67 keli) jáne Saǵyndyq Toǵambaı (86 keli) fınalda judyryqtasýǵa múmkindik alsa, bes boksshymyz jartylaı fınalda qarsylastaryna jol berip, týrnırdi qola medalmen aıaqtady.

Strandj kýbogy:

Qazaqstandyq sportshylardyń fınaldaǵy qarsylastary:

51 keli

Damır Ábdiqadır (Qazaqstan) - Hasanboı Dýsmatov (Ózbekstan)

54 keli

Mahmýd Sabyrhan (Qazaqstan) - ıAsen Radev (Bolgarııa)

67 keli

Dýlat Bekbaýov (Qazaqstan) - Nıkolaı Terterıan (Danııa)

86 keli

Saǵyndyq Toǵambaı (Qazaqstan) - Sergeı Gorshkov (Ýkraına)

Aıta keteıik, fınalǵa Ózbekstannan 6 boksshy, Bolgarııa elinen bes boksshy shyqsa, Qazaqstan quramasynan aqtyq synǵa tórt boksshy shyqty.