Strandj kýbogy: Dına Jolaman jartylaı fınalǵa shyqty

NUR-SULTAN. QazAqparat - Qazaqstandyq boksshy Dına Jolaman Bolgarııa astanasy Sofııada ótip jatqan Strandj kýbogy týrnıriniń jartylaı fınalyna shyqty, dep habarlaıdy QazAqparat.

Halyqaralyq týrnırde 54 kelide synǵa túsip jatqan boksshy shırek fınalda ıtalııalyq Prısko Sharonmen qolǵap túıistirdi. Jekpe-jek tartysty ótti.

Tóreshiler sheshimimen jeńis qazaqstandyq boksshyǵa buıyrdy.

Jartylaı fınalǵa shyqqan Dına Jolaman endi kem degende qola júldege qol soza alady.

Aıta ketsek, ol atalǵan salmaqta 2016 jyly álem chempıony ataǵyn jeńip alǵan bolatyn.

Sondaı-aq, búgin atalǵan týrnırde taǵy bir qazaqstandyq boksshy Karına Ibragımova (57 keli) sharshy alańǵa shyǵady. Qarsylasy - fınlıandııalyq Vılma Vıtanen.

Eske salsaq, budan buryn eki dúrkin álem chempıony Nazym Kyzaıbaı jartylaı fınalǵa joldama alǵan edi.