«Strandj-2023» týrnıri: Qazaqstandyq bes boksshy 1/8 fınalǵa shyqty

ASTANA. QazAqparat - Bolgarııa astanasy Sofııa qalasynda ótip jatqan bokstan halyqaralyq «Strandj-2023» týrnırinde ekinshi jarys kúni aıaqtaldy, dep habarlaıdy QazAqparat tilshisi.

El quramasynan 21 aqpanda 1/16 fınalda keshki sessııada úsh bylǵary qolǵap sheberi sharshy alańǵa shyqty. Olardyń qatarynda Tezek Temirhan (67 keli) bolgarııalyq Plamen ıAnkovty 4:1, 86 keli Bekzat Tańatarov úndistandyq Kartıkti 5:0 esebimen jeńip, jarysty kelesi satysyna shyqty.

Al 54 kelide Bekzat Aldamjarov Bekzat frantsııalyq Bıllal Bennamaǵa 0:5 eesbimen ese jiberip, jarystan tys qaldy.

Sondaı-aq, kúndizgi sessııada 57 kelide Orazbek Asylqulov ırlandııalyq Djýd Gallaherdi, 63,5 kelide Ertýǵan Zeınýllınov ıspanııalyq Konde Oıer Ibarrecheni orta jolda qaldyryp ketti.

Al 20 aqpanda Erasyl Tańqaı (60 keli) ıtalııalyq Danıele Salernony tize búktirdi.

Eske salsaq, atalǵan jarysta qazaqstandyq 13 bylǵary qolǵap sheberi el namysyn qorǵaıdy.