Strandja-2013: úsh boksshymyz altynǵa talasady
ASTANA. 23 aqpan. QazAqparat - Bokstan Bolgarııada ótip jatqan Strandja 2013 dodasynyń fınalyna ush qazaqstandyq boksshysy shyqty. Onyń qatarynda álem chempıonatynyń qola júldegeri Ǵanı Jaılaýov bar, dep habarlaıdy «Alaman» ulttyq sport portaly.
60 kelidegi Jaılaýov jartylaı fınalda sharshy alań ııesi Elıan Dımıtrovty 17:6 esebimen utty. Endi bizdiń boksshy fınalda taǵy bir bolgar boksshysy Detelın Delaklıevpen bokstasady.
Asa jeńil salmaqtaǵy Temirtas Júsipov jartylaı fınalda belorýssııalyq Vadım Kırılenkany 20:7 esebimen jeńdi. Onyń fınaldaǵy qarsylasy ázirbaıjandyq Mýnasıb Mammadov bolmaq.
91 kelidegi Jan Kosobýtskıı da altynǵa talasady. Fınaldaǵy qarsylasy - belorýs Vıktor Zýev. Esterińizge sala keteıik, boksshymyz jartylaı fınalda ýkraınalyq Igor Plevakony eline qaıtardy - 15:8. Fınal, búgin 23 aqpan kúni ótedi.
