Strandja-2013: Qazaqstan boksshylary 1 «altyn», 2 «kúmis» enshiledi
ASTANA. 25 aqpan. QazAqparat - Bolgarııa astanasy Sofııa qalasynda ótken bokstan Strandja-2013 halyqaralyq týrnırinde elimizdiń kúrzi judyryq jigitteri 1 altyn, 2 qola medal ıelendi.
Bul týraly QR Boks federatsııasynyń baspasóz qyzmetinen habarlady.
49 keli salmaqta sharshy alańǵa kóterilgen boksshymyz Temirtas Júsipov fınaldyq kezdesýde azerbaıjandyq sportshyny utyp, jeńimpaz atandy. Al 60 keli sanatynda «altyn» úshin judyryqtasqan Ǵanı Jaılaýov ókinishke oraı, 2009 jylǵy álem chempıony, bolgarııalyq Detelın Dalaklıevke nebári 1 upaı aıyrmashylyqpen utylýǵa májbúr boldy. Sondaı-aq 91 keliden joǵary salmaq sanatynda elimizdiń namysyn qorǵaǵan Jan Kosobýtskıı aqtyq synda belarýstyq Vıktor Zýevke ese jberip, kúmis medaldi qanaǵat tutty.
Budan bólek, halyqaralyq týrnırde baq synaǵan sportshylarymyz Aıdar Ámirzaqov pen Baqytjan Qojabekovter shırek fınalda súrindi.
Esterińizge sala keteıik, osymen 64-shi ret ótken halyqaralyq týrnırge álemniń 15 eliniń boksshylary qatysty.
