Stradıvarıdyń urlanǵan skrıpkasy bolgar syǵandarynan tabyldy
ASTANA. 5 naýryz. QazAqparat - Antonıo Stradıvarıdyń 2010 jyly Londonda urlanǵan skrıpkasy Bolgarııadan tabylǵan syńaıly. Reuters agenttiginiń habarlaýynsha, brıtan polıtsııasy quny 1,8 mıllon dollar turatyn bul sol skrıpka ma, sony anyqtaýǵa tyrysýda.
Stradıvarıdyń skrıpkasy bolýy yqtımal aspapty bolgar polıtsııasy arnaıy operatsııa kezinde tárkiledi: ITAR-TASS agenttiginiń málimetteri boıynsha, aspapty jergilikti syǵan qaýymynyń krımınaldyq serkeleri satpaq bolǵan. Polıtseıler satýshylarmen satyp alý retinde baılanysqa shyǵyp, skrıpkany 380 myń dollarǵa satyp alýǵa ýaǵdalasqan.
Stradıvarı skrıpkany 1696 jyly jasaǵan kórinedi, ony skrıpkashy Mın Chın Kımnen urylar londondyq ıÝston vokzalynda dúńgirshekten sendvıch satyp alyp jatqanda úptep ketken. Aspappen birge eki ysqy da qoldy bolǵan: onyń bireýin frantsýz sheberi Domınık Pekate jasaǵan, onyń baǵasy shamamen júz myń dollar turady, ekinshisi - segiz myń dollar shamasynda turady.
Olardy urlaǵan Djon Moen men onyń eki jasóspirim-sybaılasy sol jyly ustaldy. Olar skrıpkany nebári júzdegen fýnt sterlıngige satpaq bolǵan. 2011 jyly olar qylmysyn moıyndady, Moen tórt jyl jarym merzimge túrmege toǵytyldy, biraq ta urlanǵan aspap tabylmady. Skrıpkany tapqan kisige 40 myń fýnt (shamamen 60 myń AQSh dollary) syılyq ta taǵaıyndalǵan bolatyn.
