Stradıvarıdiń skrıpkasy aýktsıonda rekordtyq baǵaǵa satylýy múmkin

ASTANA. KAZINFORM – Skrıpka 12-18 mln dollarǵa baǵalandy, dep habarlaıdy The Associated Press. 

1714 jyly ataqty Antonıo Stradıvarı jasaǵan skrıpka buryn-sońdy satylǵan eń qymbat mýzykalyq aspap bolýy múmkin. Ol osy jumada Nıý-Iorktegi Sotheby's aýktsıonynda satylady.

Aýktsıon úıi «Joachim-Ma Stradivarius» skrıpkasynyń qunyn 12-18 mln dollarǵa baǵalap otyr. 
Sotheby's-tiń Amerıkadaǵy prezıdenti Marı-Klaýdıa Hımenes Stradıvarı bul skrıpkany shamamen 1700 jyly bastalǵan jáne onyń sheberliginiń jaqsarýymen erekshelenetin «altyn kezeńinde» jasaǵanyn aıtty.

- Bul – onyń shyǵarmashylyǵynyń shyńy. Bul sol dáýirdiń eń jaqsy skrıpkasy, - dep atap ótti Hımenes.

Sotheby's atap ótkendeı, skrıpka tańǵajaıyp kúıde saqtalǵan, al onyń ıeleriniń tarıhy erekshe. 

Skrıpkanyń eki ataqty ıesi - Majarstannyń okeremet skrıpkashysy Djozef Ioahım (1831–1907) jáne Qytaıda týyp, 1948 jyly AQSh-qa qonys aýdarǵan Sı-Hon Ma (1926–2009).

Gınnestiń rekordtar kitabynyń nusqasy boıynsha, qazirgi ýaqytta aýktsıonda satylǵan eń qymbat mýzykalyq aspap – bul Stradıvarıdiń taǵy bir skrıpkasy, 1721 jyly jasalǵan «Lady Blunt». Ol 2011 jyly 15,9 mln dollarǵa satyldy.

Aıta keteıik, qaıtarylǵan aktıvter sanatyndaǵy Cartier, Breguet, Tiffany, Ulysse Nardin Classic qol saǵattary aýktsıonǵa shyǵarylady.