Stoılov: Kelesi qarsylasymyz Seltık bola ma, Lınkoln bola ma - bizge báribir
ASTANA. QazAqparat - «Astana» FK bas bapkeri Stanımır Stoılov «Jalgırıs» komandasyna qarsy bolǵan Chempıondar lıgasynyń ekinshi irikteý oıynynda fýtbolshylardyń ekinshi taımda kórsetken ónerlerine kóńili tolmaıtyndyǵyn anǵartty.
Degenmen óziniń qol astyndaǵy fýtbolshylaryna búgingi jeńisteri úshin alǵys bildirdi.
«Oıyn qıyn boldy. Biz oıyndy budan da erte sheshe alatyn jaqsy múmkindikter boldy. Degenmen oıynshylar alǵash ret favorıt retinde shyǵyp otyrǵandyqtan, qatty qobaljydy», - dedi ol «Jalgırıs» komandasymen bolǵan oıynnan keıin.
«Menińshe, ekinshi taımda biz tártipke mán bermeı kettik. Bul Chempıondar lıgasynda keshirilmeıtin olqylyq. Nátıjesinde «Jalgırıske» gol salǵyzyp qoıdyq, - dep jalǵady bapker. - Meniń oıymsha, «Jalgırıs» byltyrǵy maýsymda biz kezdesken HIK pen Marıbordan jaqsyraq boldy».
Kelesi oıyndy S. Stoılov kez kelgen komandaǵa oıyn ótkizýge daıyn ekendigin jetkizdi. «Bastysy kelesi raýndqa ótsek boldy. Seltıkke nemese Lınklnǵa qarsy ótkizemiz be - bizge báribir», - dedi bapker.
Aıta keteıik, «Astana» men «Jalgırıs» arasyndaǵy kezdesý elordada ótti jáne 2:1 esebimen aıaqtaldy.
