Stoıcho Mladenov «Qaısardan» ketetin boldy
NUR-SULTAN. QazAqparat - Bolgarııalyq Stoıcho Mladenov aldaǵy jyly Qyzylordanyń «Qaısar» komandasyndaǵy bas bapker qyzmetinen ketedi, dep habarlaıdy QazAqparat tilshisi.
Stoıcho Mladenov 1957 jyldyń 12 sáýirinde dúnıege kelgen. 1975-1994 jyldar aralyǵynda Bolgarııa jáne Portýgalııanyń birqatar klýbtarynda oıyn kórsetti.
1978-1988 jyldar aralyǵynda Bolgarııa ulttyq quramasynda 59 márte jasyl alańǵa shyǵyp, 15 goldyń avtory atandy.
1991 jyldan bastap Portýgalııa, Bolgarııa, Grekııa, Saýd Arabııasy, Egıpet elderinde bapkerlik qyzmet atqardy.
2016 jyly qazaqstandyq «Atyraý» komandasyna bapkerlik jasady.
2017 jyldan beri «Qaısar» komandasynyń tizginin ustap keldi. Byltyr qyzylordalyq klýb Qazaqstan kýbogyna ıe bolyp, óz tarıhynda tuńǵysh ret Eýropa lıgasynda oıyn kórsetti.
