«STOP-trafık» is-sharasy nátıjesinde 49 jeńgetaı jáne 409 «túngi kóbelek» anyqtaldy
ASTANA. 1 maýsym. QazAqparat /Arman Asqarov/ - 23-27 mamyr aralyǵynda ótkizilgen «STOP-trafık» jedel aldyn alý is-sharasy nátıjesinde 49 jeńgetaı jáne 409 «túngi kóbelek» anyqtaldy.
Búgin QR Іshki ister mınıstrliginiń Krımınaldyq polıtsııa komıteti osyndaı aqparat taratty.
109 adam jeke basyn anyqtaıtyn arnaıy áleýmettik mekemelerine ornalastyryldy, olardyń ishinde TMD-nyń 63 azamaty bar. Osy toptaǵy 114 azamat Qazaqstannyń kóshi-qon zańnamasyn buzǵan. Mysaly, Almaty oblysynyń ІІD UQQ KB-nyń qyzmetkerleri nápsiqumarlyq paıdalaný maqsatynda qyzdardy aldap-arbaýmen, jezókshelikke tartýmen jáne bas bostandyǵynan zańsyz aıyrýmen, sondaı-aq jezókshelikpen aınalysý úshin qylmystyq top quryp, ony uzaq ýaqyttan beri basqarǵan oblys turǵynyn ustap, oǵan qatysty qylmystyq isti qozǵady. Mańǵystaý oblysynyń ІІD UQQ KB-nyń qyzmetkerleri oblys turǵynyn 50 000 teńgege satqan 33 jastaǵy áıeldi ustady. Al Almaty qalasynyń ІІD UQQ KB-nyń qyzmetkerleri qaladaǵy qonaq úılerdiń birinde Ońtústik Qazaqstan oblysynan shyqqan qyz balany urlap, ony jezókshelikpen aınalysýǵa ıtermelegen almatylyq azamatty quryqtady.
