Stomatologtar: Alkogol tisti búldiredi
ASTANA. QazAqparat - Táttiler men qyshqyl jemister tiske zaqym keltiretini belgili. Alaıda brıtandyq stomatologtar alkogol de tisti búldiretindigin alǵa tartýda.
Mamandardyń sózine qaraǵanda, bir tostaǵan sharaptyń ózi tiske zaqym keltiredi, sebebi, aq sharaptyń quramynda zaqymdaýysh qyshqyldar kóp bolady.
Rosbalttyń jazýynsha, qyshqyl tistiń emalin jumsartady jáne kaltsııdiń shaıylýyna yqpal etedi. Osynyń saldarynan tistiń qurylymy buzyla bastaıdy.
Qanty kóp tátti lıkerler men túrli kokteılder tisjeginiń damýy táýekelin arttyrady.
Stomatologtardyń aıtýynsha, baldyrkók pen irimshik tistiń tabıǵı tazarýyna jaqsy áser etedi.
