Stomatologııalyq ortalyqtardyń qyzmetine 250-ge jýyq shaǵym túsken

ASTANA. KAZINFORM – Densaýlyq saqtaý mınıstrligi Kazinform saýalyna joldaǵan jaýapta stomatologııalyq qyzmetterdiń sapasyna turǵyndardan qanshalyqty jıi shaǵym túsetinin málim etti.

- Bıylǵy 11 aıda Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetine jáne onyń aýmaqtyq departamentterine 244 ótinish kelip tústi. Ótinishterdiń eń kóp úlesi Pavlodar oblysy, Astana jáne Almaty qalalaryna tıesili, - dep jazylǵan mınıstrlik málimetinde.

Vedomstvonyń málimeti boıynsha tis dárigerleriniń qateliginen bolǵan ólim-jitim men múgedektik jaǵdaıy tirkelip kórgen joq.

- Osy kezeńde (2024 jyldyń basynan beri – red.) stomatologııalyq qyzmet kórsetýden keıin múgedektik jáne ólim-jitim, sondaı-aq, stomatologııanyń medıtsınalyq qyzmetine lıtsenzııadan aıyrý faktileri tirkelmegen, - dep jazylǵan jaýapta.

Osyǵan deıin BJZQ aqshasyna tis emdetýshilerge baǵany kóterý zańdy ma, degen saýalǵa berilgen jaýap týraly jazdyq.