Stokgolmdegi sensatsııa: Aleksandr Shevchenko jarystyń 2-raketkasyn qapy qaldyrdy
ASTANA. KAZINFORM — Qazaqstannyń ekinshi, álemniń 107-raketkasy Aleksandr Shevchenko Stokgolm (Shvetsııa) ATP 250 týrnıriniń shırek fınalyna shyqty.
Qazaqstandyq tennısshi ekinshi aınalymda álemniń 18-inshi, jarystyń 2-raketkasy, norvegııalyq Kasper Rýýdqa tap keldi.
Osyǵan deıin qarsylastar ózara úsh ret kezdesip, bárinde norvegııalyq sportshy basym túsken edi.
Bul joly birinshi partııada Rýýd taı-breıkte tabandylyq tanytty – 7:6 (7:5).
Degenmen budan keıin A.Shevchenko kambek jasaı bildi – 6:4, 6:3.
Eki saǵat 20 mınýtqa sozylǵan tartysty básekede Shevchenko 13 eıspen birge 6 breık-poınttyń tórteýin paıdalandy. Rýýd 10 eıs, 2 breıkpen (4 breık-poınt) shekteldi.
Aleksandr Shevchenko jartylaı fınalǵa shyǵý úshin álemniń 51-raketkasy, argentınalyq Tıago Agýstın Tırantemen talasady.
Qazaqstandyq tennısshi qazirgi kezde ATP Live reıtıngisinde 99-orynǵa kóterilip, TOP-100-ge qaıta kirip tur.
Eske sala keteıik, budan buryn Aleksandr Shevchenkonyń Shvetsııadaǵy týrnırde qatarynan úsh kezdesýde jeńiske jetkenin jazǵan edik.
