Stokgolmde Nobel syılyǵy tabystaldy

ASTANA. KAZINFORM — Shvetsııa astanasy Stokgolmde fızıka, medıtsına, hımııa, ekonomıka jáne ádebıet salasyndaǵy 2025 jylǵy Nobel syılyǵyn tabystaý rásimi ótti, dep jazdy Anadoly agenttigi.

Stokgolm kontsert zalynda (Konsert Huset) ótken sharaǵa Shvetsııanyń koroldik otbasy músheleri, premer-mınıstr Ýlf Krıstersson, mınıstrler, partııa ókilderi, sheteldik delegatsııalar, syılyq laýreattary jáne kóptegen qonaqtar qatysty.

Syılyqtardy Shvetsııa koroli Karl XVI Gýstav tabys etti.

Laýreattar:

• Fızıka salasy: Djon Klark, Mıshel Devore, Djon Martınıs

• Hımııa salasy: Sýsýmý Kıtagava, Rıchard Robson, Omar M. ıAgı

• Medıtsına salasy: Merı Brankoý, Fred Ramsdell, Shımon Sakagýchı

• Ekonomıka salasy: Djoel Mokır, Fılıpp Agıon, Pıter Haýıtt

• Ádebıet salasy: Laslo Krasnahorkaı

Laýreattar dıplom, Nobel medali jáne 11 mıllıon shved krony somasyndaǵy aqshalaı syılyq aldy.

Klımattyq ózgeristerge qarsy narazylyq

Kontsert zaly aldynda jınalǵan 100 belsendi Nobel syılyǵyn qarjylandyratyn kompanııalar tabıǵatqa jáne ormandarǵa zııan keltirip, paıda tabatynyn aıtty.
Belsendiler shara barysynda «Álemimizdi lastaýyn toqtatyńdar» degen uran aıtqan.

Machado qurmetine dástúrli fakel sherýi ótkizilmedi

2025 jylǵy beıbitshilik Nobel syılyǵynyń laýreaty Marııa Korına Machado rásimge kele almady. Sol sebepti syılyqty onyń atynan qyzy Ana Korına Sosa aldy. Rásim Norvegııa astanasy Osloda ótti.

Venesýela oppozıtsııalyq saıası qaıratkeri Machado Izraıldiń Gazadaǵy áreketterin qoldaǵany úshin synǵa ushyrady. Sol sebepti Norvegııalyq beıbitshilik keńesi dástúrli fakel sherýin ótkizbedi.

Keńes málimdemesinde Machadonyń «Norvegııalyq beıbitshilik keńesi ári oǵan múshe uıymdardyń qundylyǵyna saı kelmeıtini» aıtyldy.