Stokgolmde eki qabatty avtobýs aıaldamaǵa soǵyldy: qaza tapqandar bar

ASTANA. KAZINFORM — Stokgolmde avtobýs aıaldamada turǵan adamdar tobyna soǵyldy. Shved polıtsııasy úsh adamnyń qaza taýyp, taǵy úsheýi jaraqat alǵanyn málemdedi, dep habarlaıdy VVS.

Стокгольмде екі қабатты автобус аялдамаға соғылды: қаза тапқандар бар
Кадр из видео svt.se

Bılik qaza tapqandardyń kim ekenin anyqtaýǵa tyrysyp jatyr.

Oqıǵa jergilikti ýaqyt boıynsha shamamen 15:00-de, Stokgolmniń shyǵys bóligindegi Estermalm aýdanynda ornalasqan Valhallavegen kóshesinde, qarbalas ýaqytta bolǵan.

Qaıǵyly jaǵdaıdyń sebebi ázirge belgisiz.

Polıtsııa málimdemesinde bul oqıǵa ázirge jazataıym oqıǵa retinde qarastyrylyp jatqany aıtyldy. Polıtsııanyń resmı ókili Nadıa Nortonnyń aıtýynsha, avtobýstyń júrgizýshisi ustalǵan.

Shvetsııanyń SVT telekompanııasy habarlaǵandaı, eki qabatty avtobýs elordanyń soltústik aýdandarynda tasymaldaý qyzmetin kórsetetin Transdev kompanııasyna tıesili. Apat kezinde avtobýs reıs oryndamaǵan, sondyqtan ishinde tek júrgizýshi ǵana bolǵan.

Apat bolǵan kóshede dúkeni bar kásipker oqıǵa kýási bolǵan. Ol SVT-ge bergen suhbatynda avtobýstyń aıaldama aldyndaǵy baǵanǵa soǵylǵanyn aıtty. Onyń sózinshe, birneshe adam aıqaılap, dúkenge júgirip kirgen.

Expressen gazeti apat kýágeri bolǵan áıeldiń sózin keltiredi. Onyń aıtýynsha, avtobýs «aıaldamada turǵan búkil kezekti jaıpap ótken».

Aıta ketelik Perýde avtobýs apatynan keminde 37 adam qaza tapqan edi

Сейчас читают