Stokgolmdegi saýda ortalyǵynda jarylys boldy
ASTANA. QazAqparat - Shvetsııa astanasy Stokgolmdegi saýda ortalyǵynda jarylys boldy, onyń sebepteri anyqtalyp jatyr. Bul týraly reseılik kommersant.ru basylymy jergilikti BAQ-qa silteme jasaı otyryp habarlady.
Oqıǵa ornyna polıtsııa, qutqarýshylar kelip jetken. Jarylys bolǵan ǵımarat qorshaýǵa alynǵan. Oqıǵany kórgenderdiń aıtýyna qaraǵanda, jarylys jergilikti ýaqytpen saǵat 18:28-de bolǵan.
«Jarylystan ǵımarat dúr silkindi. Adamdardyń syrtqa qashyp shyǵyp jatqanyn kórip, men de tysqa júgirdim», deıdi oqıǵa kýágeri 23 jastaǵy Helen Aldýr.
Jergilikti basylymdar jarylystan eshkim zardap shekpegen dep jazýda.
