Stokgolmdegi lańkestik áreket DAISh-tyń tapsyrysymen jasalǵan
ASTANA. QazAqparat - Shvetsııanyń astanasynda bolǵan terakt isi boıynsha tutqyndalǵan ózbekstandyq Rahmat Akılov Kronoberg ýaqytsha qamaý oqshaýlaǵyshyndaǵy (Kýngsholmen aýdany) tergeý barysynda óz kinásin tolyqtaı moıyndady. Bul týraly TASS Aftonbladet gazetine silteme jasap habarlady.
Tergeý barysynda tutqyndalýshynyń «Islam memleketi» terrorıstik uıymynyń jaqtasy jáne musylman ekendigi anyqtaldy. «Sırııadaǵy bombalaý toqtatylýy kerek», - dep málimdedi ol, teraktini ótkizý týraly buıryqty atalmysh eldegi ekstremısterden alǵanyn aıta kele.
Basylym derekkóziniń aıtýynsha, Akılov Stokgolmde «adasýshylardy basyp ótkenin» málimdegen.
Buryn habarlanǵandaı , 7 sáýir kúni Spendrups kompanııasyna tıesili aıdap áketilgen júk kóligimen belgisiz bireý Stokgolm ortalyǵyndaǵy Drottnınggatan kóshesinde 550 metr jol júrip, adamdardy basyp ótken.
Polıtsııanyń deregi boıynsha, 15 adam jaraqat alyp, tórteýi qaza tapqan. Prokýratýra terakt isi boıynsha eki adamdy tutqyndady.
