Stokgolmde polıtsııa eki arnaıy operatsııa ótkizdi
ASTANA. QazAqparat - Stokgolm polıtsııasy senbi kúni tústen keıin qala ortalyǵy men Vorberg shaǵyn aýdanynda eki operatsııa ótkizdi, dep habarlaıdy reseılik RIA Novostı.
Shvetsııadaǵy Aftonbladet gazetiniń jazýynsha, Vorbergte polıtsııa operatsııa júrgizip, turǵyn úılerdiń birindegi páterden bir adamdy tutqyndady. Stokgolm ortalyǵynda polıtsııa kólikti toqtatyp ondaǵy úsh adamdy ustady, dep jazady basylymy.
Alaıda polıtsııa ustalǵandardyń Stokgolmde bolǵan terrorlyq aktige qatysy bar-joqtyǵyn rastamady.
Eske sala ketsek, juma kúni Stokgolm ortalyǵyndaǵy Drottnınggatan kóshesinde joǵary jyldamdyqtaǵy júk kóligi halyqty taptap óte shyqty. 550 metr jol júrgen kólik Ahlens saýda úıine soqtyǵysqannan keıin ǵana toqtaǵan. Júk kóligi Spendrups kompanııasyna tıesili bolǵan jáne ony júkti túsirý kezinde qaskóıler urlap áketken.
Apat saldarynan tórt adam ajal qushyp, 15 adam túrli deńgeıde jaraqat aldy.
