Stokgolmde Nobeldik saltanattar bastaldy
ASTANA. QazAqparat - Shvetsııanyń astanasy - Stokgolmde Nobeldik saltanattar aptasy bastaldy, dep habarlady Iteranet.rý.
Laýreattar men olardyń otbasy músheleri aldymen qalyptasqan dástúr boıynsha Eski qaladaǵy Nobel murajaıynda bolady. Jaqynda laýreattardyń mýzeı dámhanasyndaǵy otyrǵyshtarǵa qoltańba qaldyrýy dástúrge endi.
Sondaı-aq murajaı qoryna laýreattar ózderiniń ashylymdaryn este qaldyrý úshin jeke zattaryn syıǵa tartady. Mýzeıde bolý kezinde murajaı qonaqtary bir-birimen tanysady, óıtkeni olardyń kópshiligi buryn eshqashan kezdespegen bolatyn.
Qonaqtar murajaıdaǵy turaqty ekspozıtsııalarmen qatar 5 jeltoqsanda ashylǵan Stokgolmniń dızaın mektebi stýdentteriniń kórmesin tamshalaıdy. Kórme eksponattary sán, mýzyka jáne dızaın arqyly fızıkadan, medıtsınadan, ádebıetten jáne ekonomıkadan Nobel laýreattarynyń bıylǵy ashylymdaryn beıneleıdi.
