Stokgolmde qazaqstandyq sýretshiniń kórmesi uıymdastyryldy
BRıÝSSELЬ. QazAqparat - Stokgolmde qazaqstandyq sýretshi Hashım Kýrbanovtyń «Meniń ólkem» atty 7 kúndik kórmesi ótip jatyr, dep habarlaıdy QazAqparat.
Shvetsııa astanasynyń tarıhı ortalyǵyndaǵy «Rıddaren» galereıasynda ornalasqan ekspozıtsııany Shvetsııadaǵy Qazaqstan jastary uıymdastyrǵan. Sonymen qatar sharamen baılanysty shyǵyndardyń birshama bóligin Stokgolmniń merııasy moınyna alǵan.
Vernısajda tanymal sýretshiniń 40-tan astam eksponattary qoıylǵan. Olardyń arasynda kartınalar men ózge de kóptegen dúnıeler bar.
Qylqalam sheberiniń aıtýynsha, oǵan kóbine aýyl ómiri unaıdy. Onyń ishinde ásirese eski úıler, óziniń jastyq shaǵy ótken tynysh kósheler men Jarkenttiń aýlalary. Sýretshiniń nysany qarapaıym adamdar men olardyń tynys-tirshiligi.
Hashım Kýrbanov usynǵan dúnıelerdiń jalpy salmaǵy 60 kelige jýyqtaıdy. Bul dúnıeler sheteldikterdiń elimizge degen qyzyǵýshylyǵyn arttyra tússe, elimizdiń azamattarynyń týǵan jerge degen saǵynyshtaryn údete tústi.
«Sheteldikter bizdiń elimizge qyzyǵady. 2017 jyldyń jeltoqsanynda Qazaqstan týraly ótken fotokórme, Stokgolm turǵyndaryn erekshe tamsantty»,-dedi Shvetsııadaǵy qazaqstandyq jastar qaýymdastyǵynyń basshysy Sanna Tursynova.
Osy jetistiktiń arqasynda qazaqstandyq jastar qaýymdastyǵynyń ókilderi elimizdegi shyǵarmashylyq pen ónerdi sheteldikter arasynda nasıhattaý isin jalǵastyryp keledi.
Endi jerlester Stokgolmde qazaqstandyq sheberlerdiń dekoratıvti-qoldanbaly óneriniń jármeńkesin ótkizýdi kózdep otyr.
