Stokgolmde Eýrovıdenıe baıqaýynyń ekinshi jartylaı fınaly aıaqtaldy
ASTANA. QazAqparat - Stokgolm qalasynda Eýrovıdenıe án baıqaýynyń ekinshi jartylaı fınaly aıaqtaldy, ol senbi, 14 mamyr kúni «Globen» sport-kontsert kesheniniń sahnasynda óner kórsetetin on qatysýshyny anyqtady, dep habarlaıdy RIA Novostı.
Kórermender men ulttyq qazylar alqasynyń daýys berý qorytyndylaryna sáıkes, baıqaýdy Latvııa, Grýzııa, Bolgarııa, Avstralııa, Ýkraına, Serbııa, Polsha, Izraıl, Lıtva jáne Belgııa qatysýshylary jalǵastyrady.
Birinshi jartylaı fınal 10 mamyrda ótken jáne onyń qorytyndylary boıynsha fınalda Reseı, Malta, Ázerbaıjan, Armenııa, Avstrııa, Kıpr, Chehııa, Nıderlandy, Horvatııa jáne Vengrııadan jınalǵan qatysýshylardyń mýzykalyq nómirleri shyrqalady.
Bul baıqaý álemdegi eń iri oıyn-saýyq shoýy sanalady. 2016 jyly onyń fınaly alǵash ret AQSh-ta kórsetiledi. Mýzykalyq baıqaý alǵash ret 1956 jyldyń 24 mamyrynda bolyp ótken. 2016 jyly Eýrovıdenıege 42 eldiń ónerpazy qatysyp jatyr. Bul jarysta eń kóp ret Irlandııa ánshileri jeńiske jetken (jeti ret). Odan keıin jeńimpazdar tiziminde alty ret birinshi oryn alǵan Shvetsııa ornalasty.
