Stokgolmde «Eýrovıdenıe-2016» konkýrsynyń fınaly ótýde
ASTANA. QazAqparat - Stokgolmde «Eýrovıdenıe-2016» mýzykalyq konkýrsynyń fınaldyq raýndy bastaldy, dep habarlady Bı-bı-sı.
Reseı bas júldeni alýǵa basty úmitkerlerdiń biri. Reseılik qatysýshy Sergeı Lazarev sahnaǵa You Are The Only One ("Ty - edınstvennaıa") ánimen shyǵady. Avstralııa, Frantsııa, Shvetsııa da konkýrs favorıtteriniń qatarynda.
Olardyń arasynda Ýkraınadan qyrym tatary qyzy Djamala «1944» dep atalatyn ánmen qatysýda.
Bul án «Eýrovıdenıe» úshin erekshe bolyp otyr, - ol 1944 jyly Stalınniń buıryǵymen qyrym tatarlaryn kúshtep qonys aýdarý taqyrybyna arnalǵan.
Konkýrsqa barlyǵy 42 elden ártister qatysýda.
Aqpan aıynda daýystardy sanaý erejesine eleýli ózgerister engizilgeni jarııalanǵan bolatyn, kásibı qazylar alqasy men ár eldiń telekórermenderi bul joly konkýrsqa qatysýshylardy bólek baǵalaıdy.
Budan buryn qatysýshylardyń nátıjeleri kásibı qazylar alqasy men kórermenderdiń daýys berý nátıjelerimen birden jarııalanatyn edi.
