Stokgolmde ekonomıka boıynsha Nobel syılyǵy laýreatynyń esimi jarııalanady
ASTANA. QazAqparat - Koroldik akademııa janyndaǵy Ekonomıka jónindegi Nobel komıteti Alfred Nobeldiń qurmetine 2014 jylǵy Shvetsııa Memlekettiń banki syılyǵy laýreatynyń esimin ataıdy.
Ótken jyly laýreat ataǵyn «Aktıvterdiń baǵasyn empırıkalyq taldaǵany» úshin amerıkalyq ǵalymdar ıÝdjın Fama, Lars Pıter Hansen jáne Robert Shıller alǵan bolatyn.
Nobel komıtetiniń sheshimi sońǵy sátke deıin qupııa saqtalady. Alaıda BAQ-tyń ekonomıkalyq bólimderiniń sarapshylary óz boljamdaryn jasaýda. Úmitkerlerdiń arasynda kásipkerlik zertteýmen aınalysatyn amerıkandyqtar Ýılıam Baýmol men Israel Kırzner, sondaı-aq ekonomıkalyq ósim týraly Iozef Shýmpeterdiń teorııasyn damytqan frantsýz Fılıpp Agon men kanadalyq Pıter Haýıtt esimderi jıi atalyp júr.
