Stokgolmde adamdardy taptaǵan júk kóliginen jarylǵysh zat tabyldy
ASTANA. QazAqparat -Stokgolm polıtsııasy qala ortalyǵynda adamdardy taptap ótken júk kóligin tekserip, jarylǵysh zat salynǵan sómke taýyp aldy, dep habarlady SVT shvedtik telearnasy.
"Jarylǵysh zat salynǵan sómke keshe Stokgolmde lańkestik aktige qoldanylǵan júk kóliginiń ishinen tabyldy. Bul týraly polıtsııadaǵy derekkózder málim etti», - dep habarlady telearna.
Juma kúni Stokgolm ortalyǵyndaǵy Drottnınggatan kóshesinde joǵary jyldamdyqtaǵy júk kóligi halyqty taptap óte shyqty. 550 metr jol júrgen kólik Åhlens saýda úıine soqtyǵysqannan keıin ǵana toqtaǵan. Júk kóligi Spendrups kompanııasyna tıesili bolǵan jáne ony júkti túsirý kezinde qaskóıler urlap áketken.
Apat saldarynan tórt adam ajal qushyp, 15 adam túrli deńgeıde jaraqat aldy.
