Stokgolm metrosynda jarylys boldy
ASTANA. QazAqparat - Jeksenbi kúni Shvetsııa astanasy Stokgoldegi Hýddınge aýdany aýmaǵyndaǵy Vorbıý metro stansasy janynda bolǵan jarylys saldarynan eki adam zardap shekti.
Bul týraly TASS SVT telearnasyna silteme jasap habarlaıdy.
60 jastaǵy er adam jerde jatqan paketti kótergen sátte jarylys bolǵan. Onyń qasyndaǵy áıel de zardap shekken. Olardyń ekeýi shuǵyl aýrýhanaǵa jetkizildi.
Polıtsııa oqıǵa ornyn qorshaýǵa aldy. Tártip saqshylary jarylysqa ne sebep bolǵandyǵyn ázirge aıtpaı otyr.
FOTO: Scanpix
