Stoılov basqa klýbty jattyqtyrýy múmkin
ASTANA. QazAqparat - Stanımır Stoılov jaqyn arada Praganyń "Slavııa" komandasymen kelisimshartqa otyrýy múmkin, dep habarlaıdy SPORTINFORM SAA .
Osydan bir apta buryn bolgarııalyq maman "Slavııany" ÝEFA Eýropa lıgasynyń pleı-off kezeńine shyǵý múmkindiginen aıyrǵan edi. Dál osy oıynnan keıin Praga klýbynyń basshylyǵy jańa bapkerdiń kandıdatýrasyn qarastyra bastady.
"Slavııanyń" qytaılyq ınvestorlary klýbtyń básekege qabiletti, Eýropada aldyńǵy qatarly ujymdardyń sapyna enedi degen úmitpen az qarajat quımady. Alaıda, cheh komandasy ishki birinshilikte "Vıktorııa Plzennnen" 14 upaı qalyp, chempıondyqty berip qoıdy desek te bolady. Al, Eýropa lıgasyndaǵy kórsetkishin biz aıtpasaq ta jaqsy bilesizder. Eýrokýbokpen qoshtasqan sátten bastap klýb basshylyǵy Stanımır Stoılovpen baılanysyp, oǵan usynys jasaǵan.
Bizge málim bolǵandaı, bolgarııalyq bapkerdiń "Astanamen" kelisimsharty aıaqtalyp qaldy, al klýb basshylyǵy jańa usynys jasaýǵa áli asyǵar emes. "Slavııa" komandasynyń fýnktsıonerleri mundaı múmkindikti múlt jibermeı, bilikti bapkerdi óz qatarlaryna qosyp alǵysy keledi.
