Stıven Sıgal Qazaqstanda shyǵys jekpe-jekteri mektepterin ashýdy josparlaýda
ASTANA. QazAqparat - Tanymal Gollıvýd akteri jáne rejısseri, aıkıdo sheberi Stıven Sıgal Qazaqstanda shyǵys jekpe-jekteri mektepterin ashýdy josparlaýda. Bul týraly ol búgin Astanada ótken baspasóz máslıhatynda habarlady.
«Qazaqsha kúres túrin kórdińiz be?» degen suraqqa S.Sıgal: «Iá, men qazaq palýandaryn kórdim. Máskeýde murajaılardyń birinde bolǵan kezde etnıkalyq kúres túrlerine arnalǵan fılmder men fotosýretterden kórdim. Maǵan túrli etnıkalyq kúres túrlerin kórý óte qyzyq boldy, sondyqtan men keıbir sýretterdi surap ta aldym», - dep jaýap berdi.
Sonymen qatar ol qazaqstandyq jekpe-jek óneriniń sheberlerine birneshe keńes berdi.
«Azııada urys ónerlerine baýlý úzilmeıtin úderis dep bilemiz. Ol eshqashan aıaqtalmaıdy jáne naǵyz sheber árqashan qarapaıym keledi. Men sizderdiń sheberlerińizge birqatar keńes bergim keledi, olar adamdarǵa ne úıretip jatqandyǵyn árdaıym oılap, saralap otyrýlary tıis», - dedi ol.
«Menińshe, eń bastysy sheberdiń boıynda qarapaıymdylyq, adamgershilik, janashyrlyq jáne eńbekqorlyq bolýy tıis», - dep atap ótti S.Sıgal.
Tanymal akterdiń aıtýynsha, ol Qazaqstanda óz mektebin ashýdy josparlaýda.
«Iá, men mektepterimdi ashýǵa múddelimin. Ol jalǵyz emes, kóp mektep bolýy múmkin», - dep túıdi sózin akter.
