Stıven Hokıng ómirden ótti
ASTANA. QazAqparat - Brıtandyq astrofızık jáne kosmolog Stıven Hokıng 76 jasqa qaraǵan shaǵynda ómirden ótti, dep habarlaıdy BBC News.
Hokıng qara qurdym teorııasy men salystyrmalylyq teorııasy salasyndaǵy zertteýlerimen tanylǵan. Sondaı-aq, brıtandyq fızık-teoretık birneshe tanymal kitaptardyń, sonyń ishinde «Ýaqyttyń qysqasha tarıhy» atty eńbektiń avtory.
Hokıngtiń balalary - Lıýsı, Robert jáne Tım BBC-ge súıikti ákeleriniń qaıtys bolǵanyna qatty kúızeletindikterin jetkizgen.
«Ol uly ǵalym jáne erekshe adam boldy. Onyń eńbekteri men murasy ómir boıy jasaıdy», dep habarlady agenttik olardyń sózderin.
1960-jyldardyń basynda Hokıngte búıir amıotrofıkalyq skleroz belgileri paıda bolyp, sonyń saldarynan sal aýrýymen naýqastandy. Biraq, ol ǵylymı qyzmetimen belsendi aınalysty.
